Bikhri bikhri si zulfein hain kyun
Khoyi khoyi si aankhein hain kyun
Gham ka yeh pal guzar jaayega
Phir koi humsafar aayega
Beete pal bhool ja
Woh pal nahin hain kahin
Laayenge pal naye,
Ek zindagi phir haseen
Yeh bheegi palkein utha
Yeh soch ke muskura
Laayega phir samay
Koi zamaana aisa yahan
Phir chalegi hawa manchali
Phir se mehkegi koi kali
Phir koi humsafar aayega
Dil koi geet phir gaayegaa
Raat lambi sahe phir bhi yeh ek raat hai
Subah ho jaayegi sau baaton ki baat hai
Phir jaagegi yeh fiza
Phir dil ka ek rassta
Le jaayega waheen tujhe
Tere hai manzil jahan
Sach to yeh hai ki hona hai yun
To in aakhon mein aansoon hai kyun
Gham na kar tu jo murjha gaye
Phool khil jaayenge phir naye.
