Pyaar ke saagar se nikali
Moti ke badale ret
Ab pachhataaye kyaa hoye
Jab chidiyaan chug gai khet
O ek jhuth hai
Ek jhuth hai jis ka duniyaa ne
Rakhaa hai muhabbat naam
Are rakhaa hai muhabbat naam
Dhokha hai jise
Dhokha hai jise kahate hai wafaa
Bas dekh liyaa anjaam
Are bas dekh liyaa anjaam
Paani si nazar patthar saa jigar
Bedard tujhe pahachaan gaye
Paani si nazar patthar saa jigar
Bedard tujhe pahachaan gaye
Ham pyaar ki nagari me aa kar
Dastur yaha ke jaan gaye
Milati hai khushi
Milati hai khushi dam bhar ke liye
Rone ko hai subah o shaam
Rone ko hai subah o shaam
Haay bas dekh liyaa
Bas dekh liyaa anjaam
Na puchh huaa jo haal mera
Ek teri nazar ke dhokhe se
Na puchh huaa jo haal mera
Ek teri nazar ke dhokhe se
Jaise koi jalataa dip bujhe
Bas ek hawaa ke jhokhe se
Dil de ke hame
Dil de ke hame
Kuchh bhi na milaa
Bekaar huye badnam
Bekaar huye badnam
Haay bas dekh liyaa
Bas dekh liyaa anjaam.
